Maleruagassamik ajornanngitsunnguamik Kuannersuit naleqassusaa pinngorpoq.

Maleruagassaq marlunnut immikkoortinneqarsimavoq. Immikkoortumi siullermi, suliffeqarfissuarni nalinginnaasuusumik qapuk atorlugu saliinikkut steenstrupin-it saviminissanik qaqutigoortunik akulik immikkoortinneqassapput. Zinkimik aamma flusspatimik akuiaaneq matumani aamma pissaaq.

Immikkoortup aappaani, hydrometallurgi periuseralugu streenstrupin immikkoortitigaq imeq atorlugu saliinikkut kingornalu seernarsaatit atorlugit akuiaanikkut urani pilersinneqassaaq. Urani imerpalasumit seernasaatilikkamit immikkoortinneqassaaq uranoxiditut. Saviminissat qaqutigoortut immikkoortinneqassanngillat urani imerpalasumit seernarsaatilikkamit immikkoortinneqarnerani. Taakku akunnattutut suliareqqikkuminartutut imerpalasuujuassapput, saviminissat qaqutiguut akuiaaviinut toqqaannaq ingerlaqqissinnaasutut.

Amerlanertigut mineralinik nalinginnaanerusunik saviminissanik qaqutiguulinnik akulinnik akuiaanermi kissassutsit qaffasissorujussuit, naqitsinerit akuutissallu sakkortuut atortariaqartarput. Kuannersuarni aatsitassat seernarsaasernerisigut saviminissat qaqutiguut ajornanngitsuaqqamik immikkoortiterneqarsinnaapput.

Immikkoortut taakkua marluk annertuumik misileraataasimapput, Shenghe Resources Holdning Co Ltd-millu; tassaasoq saviminissanik qaqutigoortunik suliarinnittarnermut tunngatillugu nunarsuarmi siulersortaasoq aqutsisoralugu, maleruagassaq maannakkorpiaq pitsanngorsarneqarpoq. Pitsanngorsaanermi misilittaanerit ulloq manna tikillugu assut iluatsitsiffiusimapput, tamatumalu nassatarissavaa pitsaassutsikkut aningaasartuutitigullu ajornannginnerulerneq pitsaanerulernerlu.

 

Flowsheet update 2019 GL